ಕರ್ನಾಟಕ ಕ್ರಿಕೆಟ್

ಭಾರತೀಯ ಕ್ರಿಕೆಟ್‌ಗೆ ಕರ್ನಾಟಕದ ಅಪ್ರತಿಮ ಕೊಡುಗೆ

ಭಾರತೀಯ ಕ್ರಿಕೆಟ್‌ನಲ್ಲಿ ಕರ್ನಾಟಕದ ಪಾತ್ರ ಅಸಾಧಾರಣ. ಮುಂಬೈ ಮತ್ತು ದೆಹಲಿ ನಂತರ ಅತಿ ಹೆಚ್ಚು ಅಂತರರಾಷ್ಟ್ರೀಯ ಆಟಗಾರರನ್ನು ನೀಡಿರುವ ರಾಜ್ಯವೆಂದರೆ ಅದು ಕರ್ನಾಟಕ.

ಮುಂಬೈ ಸಚಿನ್ ತೆಂಡೂಲ್ಕರ್ ಮತ್ತು ಸುನಿಲ್ ಗವಾಸ್ಕರ್ ಅಂತಹ ಸಾರ್ವಕಾಲಿಕ ಶ್ರೇಷ್ಠ ಆಟಗಾರರನ್ನು ನೀಡಿದೆ. ಅತಿ ಹೆಚ್ಚು ಬಾರಿ ರಣಜಿ ಟ್ರೋಫಿ ಗೆದ್ದು ಕ್ರಿಕೆಟ್ ಲೋಕದಲ್ಲಿ ತನ್ನದೇ ಆದ ಪ್ರಭಾವ ಮೂಡಿಸಿದೆ. ದೆಹಲಿ ಬಿಷನ್ ಸಿಂಗ್ ಬೇಡಿ, ವಿರಾಟ್ ಕೊಹ್ಲಿ ಮತ್ತು ವೀರೇಂದ್ರ ಸೆಹವಾಗ್ ಮೊದಲಾದ ತಾರೆಗಳನ್ನು ಭಾರತಕ್ಕೆ ಕೊಟ್ಟಿದೆ. ಆದರೆ ಕರ್ನಾಟಕ ವಿಭಿನ್ನ ಶೈಲಿ ಮತ್ತು ವಿಶಿಷ್ಟ ಪ್ರತಿಭೆಗಳ ಆಟಗಾರರನ್ನು ಭಾರತಕ್ಕೆ ಕೊಡುಗೆಯಾಗಿ ನೀಡಿದೆ.

ಕ್ಲಾಸಿಕಲ್ ಆಫ್ ಸ್ಪಿನ್ನರ್ ಎರಪಳ್ಳಿ ಪ್ರಸನ್ನ, ಗೂಗ್ಲಿ ಸ್ಪೆಷಲಿಸ್ಟ್ ಭಗವತ್ ಚಂದ್ರಶೇಖರ್, ಕಲಾತ್ಮಕ ಬ್ಯಾಟ್ಸಮನ್ ಗುಂಡಪ್ಪ ವಿಶ್ವನಾಥ್, ವಿಶ್ವಶ್ರೇಷ್ಠ ವಿಕೆಟ್ ಕೀಪರ್ ಸಯ್ಯದ್ ಕಿರ್ಮಾನಿ, ಮೈಸೂರಿನ ಎಕ್ಸ್‌ಪ್ರೆಸ್ ಜಾವಗಲ್ ಶ್ರೀನಾಥ್, ಭಾರತದ ಪರ ಅತಿ ಹೆಚ್ಚು ಟೆಸ್ಟ್ ವಿಕೆಟ್ ಪಡೆದ ಅನಿಲ್ ಕುಂಬ್ಳೆ, ಹಾಗೂ ಭಾರತದ ತಡೆಗೋಡೆ ರಾಹುಲ್ ದ್ರಾವಿಡ್ — ಇಂತಹ ಪ್ರತಿಭಾವಂತ ಆಟಗಾರರ ರಾಜ್ಯ ಕರ್ನಾಟಕ.

ಮುಂಬೈ ನಂತರ ಅತಿ ಹೆಚ್ಚು ಬಾರಿ ರಣಜಿ ಟ್ರೋಫಿ ಗೆದ್ದ ಹೆಗ್ಗಳಿಕೆ ಕರ್ನಾಟಕ ತಂಡದ್ದು. ವಿಶ್ವನಾಥ್, ಕುಂಬ್ಳೆ ಮತ್ತು ದ್ರಾವಿಡ್ — ಇವರು ಭಾರತದ ನಾಯಕರಾಗಿಯೂ ಸೇವೆ ಸಲ್ಲಿಸಿದ್ದಾರೆ.

೧೯೮೩ರ ವಿಶ್ವಕಪ್ ಗೆಲುವಿನಲ್ಲಿ, ಕರ್ನಾಟಕದ ಆಲ್‌ರೌಂಡರ್ ರೋಜರ್ ಬಿನ್ನಿ ಮತ್ತು ವಿಕೆಟ್ ಕೀಪರ್ ಕಿರ್ಮಾನಿ ಪ್ರಮುಖ ಪಾತ್ರವಹಿಸಿದರು. ೧೯೮೫ರಲ್ಲಿ ಆಸ್ಟ್ರೇಲಿಯಾದಲ್ಲಿ ನಡೆದ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಸದಾನಂದ ವಿಶ್ವನಾಥ್ ತಾರೆಯಾಗಿ ಹೊರಹೊಮ್ಮಿದರು. ೨೦೦೭ರ ಮೊದಲ T20 ವಿಶ್ವಕಪ್‌ನಲ್ಲಿ ರಾಬಿನ್ ಉತ್ತಪ್ಪ ಅತ್ಯುತ್ತಮ ಪ್ರದರ್ಶನ ನೀಡಿದರು.

೧೯೯೬ರ ವಿಶ್ವಕಪ್ ಕ್ವಾರ್ಟರ್ ಫೈನಲ್‌ನಲ್ಲಿ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಭಾರತ-ಪಾಕಿಸ್ತಾನ ನಡುವಿನ ಹೋರಾಟ ಇಂದಿಗೂ ಕ್ರೀಡಾಭಿಮಾನಿಗಳ ಹೃದಯದಲ್ಲಿ ನೆನಪಾಗುತ್ತದೆ. ಕನ್ನಡಿಗ ವೆಂಕಟೇಶ್ ಪ್ರಸಾದ್ ಮತ್ತು ಪಾಕಿಸ್ತಾನದ ಆಮಿರ್ ಸೊಹೈಲ್ ನಡುವಿನ ಕಾಳಗ ಕ್ರಿಕೆಟ್ ಇತಿಹಾಸದಲ್ಲಿ ಅಕ್ಷರಶಃ ಅಚ್ಚೊತ್ತಿದೆ.

೧೯೭೧ರಲ್ಲಿ ಇಂಗ್ಲೆಂಡ್‌ನ ಓವಲ್‌ನಲ್ಲಿ ನಡೆದ ಟೆಸ್ಟ್ ಪಂದ್ಯದಲ್ಲಿ ಚಂದ್ರಶೇಖರ್ ಅವರ ಲೆಗ್ ಸ್ಪಿನ್ ಮತ್ತು ಗೂಗ್ಲಿ ಬೌಲಿಂಗ್ ಮುಂದೆ ಕ್ರಿಕೆಟ್ ಜನಕ ಇಂಗ್ಲೆಂಡ್ ತತ್ತರಿಸಿತು. ಆಸ್ಟ್ರೇಲಿಯಾದ ಮಾಜಿ ನಾಯಕ ಇಯಾನ್ ಚಾಪೆಲ್ ಅವರನ್ನು “ವಿಶ್ವದ ಶ್ರೇಷ್ಠ ಸ್ಪಿನ್ ಬೌಲರ್ ಯಾರು?” ಎಂದು ಕೇಳಿದಾಗ, ಅವರು ನಿಸ್ಸಂಶಯವಾಗಿ ಉತ್ತರಿಸಿದ ಹೆಸರು — ಎರಪಳ್ಳಿ ಪ್ರಸನ್ನ.

ವಿಶ್ವನಾಥ್ ಹಾಗೂ ರಾಹುಲ್ ದ್ರಾವಿಡ್ ಶತಕ ಬಾರಿಸಿದಾಗ ಭಾರತ ಹೆಚ್ಚು ಪಂದ್ಯಗಳನ್ನು ಗೆದ್ದಿದೆ ಎಂಬ ಅಂಕಿಅಂಶ cricinfo ವೆಬ್‌ಸೈಟ್‌ನಲ್ಲಿ ದಾಖಲಾಗಿದೆ. ಅದೇ ವೆಬ್‌ಸೈಟ್ ಪ್ರಕಾರ ಭಾರತದ ಸಾರ್ವಕಾಲಿಕ “ಮ್ಯಾಚ್ ವಿನ್ನರ್” ಎಂದರೆ ಗವಾಸ್ಕರ್ ಅಥವಾ ತೆಂಡೂಲ್ಕರ್ ಅಲ್ಲ — ಅದು ನಮ್ಮ ಕನ್ನಡದ ಹೆಮ್ಮೆ ಅನಿಲ್ ಕುಂಬ್ಳೆ.

ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಇನ್ನಿಂಗ್ಸ್‌ನ ಎಲ್ಲ ಹತ್ತು ವಿಕೆಟ್ ಗಳನ್ನು ಪಡೆದ ಇಬ್ಬರಲ್ಲಿ ಒಬ್ಬರು ಇಂಗ್ಲೆಂಡ್‌ನ ಜಿಮ್ ಲೇಕರ್, ಮತ್ತೊಬ್ಬರು ನಮ್ಮ ಅನಿಲ್ ಕುಂಬ್ಳೆ.

೭೦ ಮತ್ತು ೯೦ರ ದಶಕಗಳಲ್ಲಿ, ಕರ್ನಾಟಕದಿಂದ ೬ ರಿಂದ ೭ ಆಟಗಾರರು ಏಕಕಾಲದಲ್ಲಿ ಭಾರತೀಯ ತಂಡವನ್ನು ಪ್ರತಿನಿಧಿಸುತ್ತಿದ್ದರು — ಇದು ರಾಜ್ಯದ ಕ್ರಿಕೆಟ್ ಪರಂಪರೆಯ ಮಹತ್ತ್ವವನ್ನು ತೋರಿಸುತ್ತದೆ.

ಬೆಂಗಳೂರು ಚಿನ್ನಸ್ವಾಮಿ ಕ್ರೀಡಾಂಗಣದ ಹೆಸರು ಭಾರತದ ಕ್ರಿಕೆಟ್ ನಿಯಂತ್ರಣ ಮಂಡಳಿಯ ಮಾಜಿ ಅಧ್ಯಕ್ಷ ಚಿನ್ನಸ್ವಾಮಿ ಅವರ ಗೌರವಾರ್ಥ. ಕರ್ನಾಟಕ ಕ್ರಿಕೆಟ್ ಅಭಿವೃದ್ಧಿಗೆ ಅವರ ಕೊಡುಗೆ ಅಸಾಧಾರಣವಾದದ್ದು.

ಭಾರತ ಕ್ರಿಕೆಟ್‌ನ ಏಳು ಬೀಳುಗಳಲ್ಲಿ ಕರ್ನಾಟಕದ ಪಾತ್ರ ಎಂದಿಗೂ ಪ್ರಮುಖವಾಗಿದೆ — ನಿಜಕ್ಕೂ ಕರ್ನಾಟಕ ಕ್ರಿಕೆಟ್‌ನ ಗೌರವ ಮತ್ತು ಪರಂಪರೆ ಅಪಾರ.

Comments

Post a Comment

Popular posts from this blog

ಪುಷ್ಪಕ ವಿಮಾನ ಮತ್ತು ವಿಂಡ್ಸರ್ ಮ್ಯಾನರ್ — ಬೆಂಗಳೂರಿನ ಮೂಕ ಕಥೆ

Image
  ಪುಷ್ಪಕ ವಿಮಾನ ಎಂಬ ಮೂಕಿ ಚಿತ್ರ ೧೯೮೭ರಲ್ಲಿ ಬಿಡುಗಡೆಯಾಯಿತು. ಖ್ಯಾತ ನಿರ್ದೇಶಕ ಸಿಂಗೀತಂ ಶ್ರೀನಿವಾಸ ರಾವ್ ನಿರ್ದೇಶನದಲ್ಲಿ, ಕಮಲ್ ಹಾಸನ್ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡ ಈ ಸಿನಿಮಾ ಭಾರತೀಯ ಸಿನೆಮಾದಲ್ಲಿ ವಿಶಿಷ್ಟ ಸ್ಥಾನ ಪಡೆದಿದೆ. ಭಾಷೆಯ ಅಂತರಗಳೆಲ್ಲವನ್ನೂ ಮೀರಿ, ಕನ್ನಡ, ತಮಿಳು, ತೆಲುಗು ಮತ್ತು ಹಿಂದಿ ಕಲಾವಿದರು ಹಾಗೂ ತಂತ್ರಜ್ಞರ ಸಂಯುಕ್ತ ಪ್ರಯತ್ನದಿಂದ ಈ ಸಿನಿಮಾ ತಯಾರಾದದ್ದು ಒಂದು ವೈವಿಧ್ಯಮಯ ಸಂಸ್ಕೃತಿಯ ಪ್ರತೀಕವೇ ಸರಿ ಮತ್ತು ವೈವಿಧ್ಯಮಯ ಸಂಸ್ಕೃತಿಯ ಸಂಕೇತವಾದ ನಮ್ಮ ಬೆಂಗಳೂರಿನಲ್ಲಿ ಈ ಸಿನಿಮಾ ತಯಾರಾಗಿದ್ದು ನಿಜಕ್ಕೂ ಕಾಕತಾಳೀಯ. ಇಂದು ನಮ್ಮ ಬೆಂಗಳೂರಿನಲ್ಲಿ ಭಾಷೆಯ ವಿಷಯವಾಗಿ ಆಗಾಗ್ಗೆ ಉಂಟಾಗುವ ವಿವಾದಗಳ ನಡುವೆ — ಪುಷ್ಪಕ ವಿಮಾನ ಸಿನಿಮಾದ “ಮೂಕತೆ” ನಮಗೆ ಒಂದು ಗಾಢವಾದ ಸಂದೇಶ ನೀಡುತ್ತದೆ. ಎಲ್ಲ ಭಾಷೆಯ ಜನರನ್ನು ಒಗ್ಗೂಡಿಸುವ ಬೆಂಗ್ಳೂರಿನ ಆತ್ಮವನ್ನು ಪುಷ್ಪಕ ವಿಮಾನ ಸಿನಿಮಾ ಮೌನವಾಗಿ ಪ್ರತಿನಿಧಿಸುತ್ತದೆ. ಈ ಚಿತ್ರದ ಬಹುಪಾಲು ಚಿತ್ರೀಕರಣಗೊಂಡಿದ್ದು ಬೆಂಗಳೂರಿನ ಹೃದಯಭಾಗದಲ್ಲಿರುವ ITC Windsor Manor ಹೋಟೆಲಿನಲ್ಲಿ. ಬ್ರಿಟಿಷ್ ಕಾಲೋನಿಯಲ್ ಶೈಲಿಯಲ್ಲಿ ನಿರ್ಮಿತ ಈ ಹೋಟೆಲ್, ಇಂದಿಗೂ ಬೆಂಗಳೂರಿನ ರಾಜಶ್ರೇಯದ, ಶ್ರೇಷ್ಟ ಸೊಗಸಿನ ಪ್ರತೀಕವಾಗಿದೆ. ಹಳೆಯ ಬೆಂಗಳೂರು ಮತ್ತು ಬ್ರಿಟಿಷರ ಕಾಲದ ವಾಸ್ತುಶಿಲ್ಪದ ಸಂಯೋಜನೆಯಂತಿದೆ ಇದರ ವಿನ್ಯಾಸ. ಪುಷ್ಪಕ ವಿಮಾನದಲ್ಲಿನ ಅತ್ಯಂತ ಪ್...
Read more

ಸಾಮಾನ್ಯರ ಜೀವನದಲ್ಲಿ ಅಸಾಧಾರಣ ಬದಲಾವಣೆ ತಂದ ತಂತ್ರಜ್ಞಾನದ ಆಧುನಿಕ ವ್ಯವಸ್ಥೆ

Image
ಒಂದುವರೆ ದಶಕದ ಹಿಂದಿನ ನೋಟ: ೨೦೧೦ರಲ್ಲಿ ನಾನು ಬರೆದ ಒಂದು ಬ್ಲಾಗ್ ನೆನಪಿದೆ. ೨೦೦೧ ರಿಂದ ೨೦೧೦ರ ದಶಕವನ್ನು 'ಡಿಜಿಟಲ್ ದಶಕ' ಎಂದು ಬಣ್ಣಿಸಿದ್ದೆ. ಅದಕ್ಕೆ ತಕ್ಕಂತೆ, ಆ ದಶಕವು ಹಲವು ಕ್ರಾಂತಿಕಾರಿ ಬದಲಾವಣೆಗಳಿಗೆ ಸಾಕ್ಷಿಯಾಗಿತ್ತು. ಆರ್ಕುಟ್, ಫೇಸ್‌ಬುಕ್, ಟ್ವಿಟ್ಟರ್, ಯೂಟ್ಯೂಬ್ ನಂತಹ ಸಾಮಾಜಿಕ ಜಾಲತಾಣಗಳು ಜನ್ಮತಾಳಿದವು. ಜೊತೆಗೆ, ಭಾರತದಲ್ಲಿ ಸೆಲ್‌ಫೋನ್ ಪ್ರತಿಯೊಬ್ಬರ ಕೈಗೂ ತಲುಪಿ, ಸಂವಹನ ಕ್ರಾಂತಿಗೆ ನಾಂದಿ ಹಾಡಿತು. ಆದರೆ, ೨೦೧೦ರ ನಂತರದ ಈ ಒಂದುವರೆ ದಶಕದಲ್ಲಿ ತಂತ್ರಜ್ಞಾನವು ಇನ್ನೊಂದು ಮಹತ್ವದ ಮಗ್ಗುಲಿಗೆ ಹೊರಳಿದೆ. ಆ ಬದಲಾವಣೆಗಳನ್ನು ಒಮ್ಮೆ ಗಮನಿಸೋಣ. ಒಂದು ಕಾಲದಲ್ಲಿ ಸುದ್ದಿ ಪ್ರಸಾರ ಅಥವಾ ಮನರಂಜನೆಯ ಕಾರ್ಯಕ್ರಮಗಳಿಗೆ ಸರ್ಕಾರಿ ಒಡೆತನದ ದೂರದರ್ಶನ, ಆನಂತರ ಬಂದ ಖಾಸಗಿ ಟಿವಿ ವಾಹಿನಿಗಳು ಏಕೈಕ ವೇದಿಕೆಯಾಗಿದ್ದವು. ಈ ಸಂಸ್ಥೆಗಳಲ್ಲಿ ಸಾಮಾನ್ಯ ಪ್ರತಿಭೆಗೆ ವೇದಿಕೆ ಸಿಗುವುದು ಬಹು ಕಷ್ಟಕರವಾಗಿತ್ತು. ಆದರೆ, ಯೂಟ್ಯೂಬ್ ಇದನ್ನು ಸಂಪೂರ್ಣವಾಗಿ ಬದಲಾಯಿಸಿದೆ. ಇದು ಕೇವಲ ವೀಡಿಯೊ ಹಂಚಿಕೆಯ ವೇದಿಕೆಯಾಗಿ ಉಳಿದಿಲ್ಲ; ಒಬ್ಬ ಸಾಮಾನ್ಯ ವ್ಯಕ್ತಿ ಕೂಡ ವೀಡಿಯೊ ಲಾಗಿಂಗ್ (Vlogging) ಮೂಲಕ ಕಾರ್ಯಕ್ರಮಗಳನ್ನು ನಡೆಸಿಕೊಡಬಹುದು. ತಮ್ಮದೇ ಆದ ಚಾನೆಲ್ ಸೃಷ್ಟಿಸಿ ಅಡುಗೆ, ನೃತ್ಯ, ವಾರ್ತೆ ಅಥವಾ ತಮ್ಮ ಇಷ್ಟದ ಯಾವುದೇ ವಿಷಯವನ್ನು ವೃತ್ತಿಪರ ಗುಣಮಟ್ಟದೊಂದಿಗೆ ಪ್ರದರ್ಶಿಸಬಹುದು. ಇಂದು ಲಕ್ಷಾಂತರ ಜನರು ಯೂ...
Read more

PVR Director's Cutನಲ್ಲಿ ಕಾಂತಾರ ಚಾಪ್ಟರ್ ೧

Image
  PVR Director's Cutನಲ್ಲಿ ಒಂದಿಷ್ಟು ಅನುಭವ! ಕಾಂತಾರ ಚಾಪ್ಟರ್ ೧ ನೋಡಲು ಬೆಂಗಳೂರಿನ ಪ್ರತಿಷ್ಠಿತ ಬ್ರಿಗೇಡ್ ರಸ್ತೆಯಲ್ಲಿರುವ Forum Rex Walk  (ಹಿಂದೆ ಇಲ್ಲಿ ಪ್ರಸಿದ್ಧ ರೆಕ್ಸ್ ಚಿತ್ರಮಂದಿರ ಇತ್ತು) ಗೆ ತೆರಳಿದ್ದೆ. ಇಲ್ಲಿ ಈಗ ಪಿವಿಆರ್ ಸಂಸ್ಥೆಯ ‘Director's Cut’ ಎಂಬ ಹೆಸರಿನ ಮಲ್ಟಿಪ್ಲೆಕ್ಸ್ ಇದೆ. ಇದು ಸಾಮಾನ್ಯ ಮಲ್ಟಿಪ್ಲೆಕ್ಸ್ ಅಲ್ಲ — ನಿಜಕ್ಕೂ ಲಕ್ಸುರಿ ಮಲ್ಟಿಪ್ಲೆಕ್ಸ್! ದೇಶದಲ್ಲಿ ಮುಂಬೈ ಮತ್ತು ದೆಹಲಿಯ ನಂತರ ಇಂತಹ luxury ಮಲ್ಟಿಪ್ಲೆಕ್ಸ್ ಇರುವುದು ಬೆಂಗಳೂರಿನಲ್ಲಿ ಮಾತ್ರ ಎಂಬುದು ಹೆಮ್ಮೆಯ ವಿಷಯ. ನಾನು ಮೈಸೂರಿನ ಗಾಯತ್ರಿ, ಸರಸ್ವತಿ, ಶಾಂತಲಾ ಚಿತ್ರಮಂದಿರಗಳಲ್ಲಿ ಸಿನಿಮಾಗಳನ್ನು ನೋಡುತ್ತಿದ್ದವನು. ಬೆಂಗಳೂರಿಗೆ ಬಂದ ಮೇಲೆ ಅನೇಕ ಮಲ್ಟಿಪ್ಲೆಕ್ಸ್ ಗಳಲ್ಲಿ ಸಿನಿಮಾಗಳನ್ನು ನೋಡಿದ್ದೆ. ಆದರೆ ಈ Director's Cut  ನೀಡಿದ ಅನುಭವ – ನಿಜಕ್ಕೂ ಅದ್ಭುತ! ನನ್ನ ತಿಳುವಳಿಕೆಯ ಪ್ರಕಾರ, ಕಾಂತಾರ ಚಾಪ್ಟರ್ ೧ ಇಲ್ಲಿ ಪ್ರದರ್ಶನಗೊಂಡ ಮೊದಲ ಕನ್ನಡ ಸಿನಿಮಾ. ಟಿಕೆಟ್ ದರವು ಸಹ ಸಾಮಾನ್ಯ ಮಲ್ಟಿಪ್ಲೆಕ್ಸ್‌ಗಳಿಗಿಂತ ದುಬಾರಿ — ಆದರೆ ಅನುಭವವನ್ನು ನೋಡಿದರೆ ಅದರ ಬೆಲೆ ತಪ್ಪಲ್ಲವೆನಿಸುತ್ತದೆ. ಇಲ್ಲಿ Wash Roomನಿಂದ ಹಿಡಿದು ಪರದೆವರೆಗೂ — ಎಲ್ಲವೂ ಅಚ್ಚರಿ ಹುಟ್ಟಿಸುವಂತಿದೆ. ನಿಜಕ್ಕೂ ಇಂದ್ರಲೋಕವೇ ಧರೆಗೆ ಇಳಿದು ಬಂದಂತೆ! ಮಲ್ಟಿಪ್ಲೆಕ್ಸ್ ಪ್ರವೇಶದ್ವಾರದಲ್ಲೇ ಡಾ. ರಾಜಕುಮಾರ್...
Read more