ದಿ ಫ್ಯಾಮಿಲಿ ಮ್ಯಾನ್ ಕುರಿತು ವಸ್ತುನಿಷ್ಠ ವಿಮರ್ಶೆ

ಕೆಲವೊಂದು ಸಿನಿಮಾಗಳು, ಪುಸ್ತಕಗಳು, ಅಥವಾ ವೆಬ್ ಸರಣಿಗಳು ನಮ್ಮನ್ನು ಅಕ್ಷರಶಃ ಸೂಜಿಗಲ್ಲಿನಂತೆ ಸೆಳೆದುಬಿಡುತ್ತವೆ. ಭಾರತದಲ್ಲಿ OTT ಯುಗ ಆರಂಭವಾದ ಮೇಲೆ ಹಲವು ವೆಬ್ ಸರಣಿಗಳು ಬಂದಿದ್ದರೂ, ಎಲ್ಲಕ್ಕಿಂತ ಹೆಚ್ಚು ಜನಪ್ರಿಯತೆ ಗಳಿಸಿದ ಸರಣಿ ಎಂದರೆ, ಅದು ನಿಸ್ಸಂದೇಹವಾಗಿ "ದಿ ಫ್ಯಾಮಿಲಿ ಮ್ಯಾನ್" ಎನ್ನಬಹುದು.

ಮನೋಜ್ ಬಾಜಪೇಯಿ ಅವರು ನಿರ್ವಹಿಸಿದ ಶ್ರೀಕಾಂತ್ ತಿವಾರಿ ಪಾತ್ರವು, ಸರಕಾರದ ಗುಪ್ತಚಾರ ಇಲಾಖೆಯಲ್ಲಿ (T.A.S.C) ಬೇಹುಗಾರನಾಗಿ ಕೆಲಸ ಮಾಡುವ ವೃತ್ತಿಪರ ಜೀವನದ ಒತ್ತಡದ ಜೊತೆಗೆ, ತನ್ನ ಸಾಮಾನ್ಯ ಸಾಂಸಾರಿಕ ಜೀವನದ ಸವಾಲುಗಳನ್ನೂ ನಿಭಾಯಿಸಬೇಕಾದ ಹೋರಾಟವನ್ನು ಮೊದಲ ಎರಡು ಸರಣಿಗಳಲ್ಲಿ ಅದ್ಭುತವಾಗಿ ಚಿತ್ರಿಸಿತ್ತು.

• ಮೊದಲ ಸರಣಿ: ಮುಸ್ಲಿಂ ಭಯೋತ್ಪಾದಕರ ಬಗ್ಗೆ ಗಮನಹರಿಸಿತ್ತು.

• ಎರಡನೇ ಸರಣಿ: ಶ್ರೀಲಂಕಾದ ತಮಿಳು ಬಂಡಾಯಗಾರರ ಹಿನ್ನೆಲೆಯನ್ನು ಹೊಂದಿತ್ತು.

ಈ ಎರಡೂ ಸರಣಿಗಳಲ್ಲಿ ದೇಶ ಸೇವೆ ಮತ್ತು ವೈಯಕ್ತಿಕ/ಸಾಂಸಾರಿಕ ಸವಾಲುಗಳು ಸರಿಸಮವಾಗಿ ಸಾಗುತ್ತಾ, ಕಥೆಯನ್ನು ರೋಚಕ ತಿರುವುಗಳಿಗೆ ಕೊಂಡೊಯ್ದಿದ್ದವು.

---

🔥 ನಿರೀಕ್ಷೆ ಹುಸಿ ಮಾಡಿದ ಮೂರನೇ ಸರಣಿ

ಆದರೆ, ನವೆಂಬರ್ 21 ರಂದು ಪ್ರೈಮ್ ವಿಡಿಯೋದಲ್ಲಿ ಪ್ರಸಾರ ಆರಂಭಿಸಿದ ದಿ ಫ್ಯಾಮಿಲಿ ಮ್ಯಾನ್‌ನ ಮೂರನೇ ಸರಣಿಯು ತೀವ್ರ ನಿರಾಸೆಯನ್ನುಂಟು ಮಾಡಿದೆ.

ಮೊದಲ ಎರಡು ಸರಣಿಗಳಲ್ಲಿ ಇದ್ದ ಕೂತೂಹಲ, ತೀವ್ರತೆ ಮತ್ತು ಕಥೆಯ ಮೇಲಿನ ಹಿಡಿತ ಮೂರನೇ ಭಾಗದಲ್ಲಿ ಸಂಪೂರ್ಣವಾಗಿ ಕಾಣೆಯಾಗಿದೆ ಎನ್ನಬಹುದು. ಕಥಾವಸ್ತು ಘೋಷಿಸಿದಾಗ ನಿಜಕ್ಕೂ ದೊಡ್ಡ ಕೂತೂಹಲ ಉಂಟಾಗಿತ್ತು. ಆಯ್ದುಕೊಂಡ ಕಥಾಹಂದರ ಕೂಡ ಅದ್ಭುತವಾಗಿತ್ತು – ಆದರೆ ಅದರ ನಿರೂಪಣೆ ಸಂಪೂರ್ಣವಾಗಿ ಹಳಿ ತಪ್ಪಿದೆ.

📉 ಜನಪ್ರಿಯ ಸಿನಿಮಾ ಮತ್ತು ವೆಬ್ ಸರಣಿಗಳ ಮುಂದುವರಿದ ಭಾಗ(Sequel)

ಯಾವುದೇ ಜನಪ್ರಿಯ ಸಿನಿಮಾ ಅಥವಾ  ವೆಬ್ ಸರಣಿಯ ಮುಂದುವರಿದ ಭಾಗ (Sequel) ಬರುತ್ತದೆ ಎಂದರೆ, ನಿರೀಕ್ಷೆಗಳು ಗಗನಕ್ಕೇರಿರುತ್ತವೆ. ಆದರೆ ದುರದೃಷ್ಟವಶಾತ್, ಆ ನಿರೀಕ್ಷೆಗಳಿಗೆ ತಕ್ಕಂತೆ ಬಹುತೇಕ ಸಿನಿಮಾಗಳು ಮತ್ತು ವೆಬ್ ಸರಣಿಗಳು ಮೂಡಿಬಂದಿಲ್ಲ. 'ದಿ ಫ್ಯಾಮಿಲಿ ಮ್ಯಾನ್ 3' ಕೂಡ ಅದೇ ಸಾಲಿಗೆ ಸೇರಿದೆ.

• ಬಾಹುಬಲಿ: ಮೊದಲ ಭಾಗದಲ್ಲಿದ್ದ ತೀವ್ರತೆ ಎರಡನೇ ಭಾಗದಲ್ಲಿ ಕಡಿಮೆಯಾಗಿತ್ತು.

• K.G.F ಸರಣಿ: ಇದರಲ್ಲೂ ಸಹ ಮೊದಲ ಭಾಗದ ಆಕರ್ಷಣೆ ಎರಡನೇ ಭಾಗದಲ್ಲಿ ಮಂಕಾಗಿತ್ತು.

• ಕಾಂತಾರ: ಕೆಲವರಿಗೆ ಕಾಂತಾರ ಚಾಪ್ಟರ್ ೧ ಅಷ್ಟು ಇಷ್ಟ ಆಗಲಿಲ್ಲ.

• ಸಾಂಗ್ಲಿಯಾನ (ಕನ್ನಡ): ಭಾಗ 1 ಮತ್ತು 2 ರಲ್ಲಿ ಇದ್ದ ಜೀವಂತಿಕೆ, ಕತೆಯ ನಿರೂಪಣ ಶೈಲಿ ಮೂರನೇ ಭಾಗದಲ್ಲಿ ತೀರಾ ಸಾಧಾರಣವಾಗಿತ್ತು.

ಒಟ್ಟಾರೆಯಾಗಿ, 'ದಿ ಫ್ಯಾಮಿಲಿ ಮ್ಯಾನ್ 3' ಕಥೆಯ ಹಿಡಿತವನ್ನು ಸಂಪೂರ್ಣವಾಗಿ ಕಳೆದುಕೊಂಡಿದ್ದು, ಮೊದಲ ಎರಡು ಸರಣಿಗಳ ಅಭಿಮಾನಿಯಾಗಿ ನಿಜಕ್ಕೂ ಬೇಸರ ತಂದಿದೆ.